ആദ്യമാദ്യം സങ്കടം
കടലുപോലെയായിരുന്നു
തിരകളും
ചുഴികളും
കാറും കോളുമായി
ആർക്കുമാർക്കുമാശ്വസിപ്പിക്കാനാവാത്ത വിധം
അതികഠിനമായ ദുഃഖം.
അമ്മയുടെ കണ്ണീരിനൊപ്പം
അതിഭീകമായി ഒഴുകിയ
കണ്ണീർ ചാലുകൾ.
പിന്നെപ്പിന്നെ
അമ്മയക്കൊപ്പം
ഒരു തേങ്ങലായി
അതിനും പിന്നെയത്
നെടുവീർപ്പായി
ഇപ്പോൾ അമ്മ കരയുമ്പോൾ
ഒന്നും തോന്നാറില്ല.
ഞാൻ കരയുമ്പോൾ, രണ്ടു വയസുകാരി
എനിക്കൊപ്പം
ഭീകരമായി കണ്ണീർ വാർക്കാറുണ്ട്.