Wednesday, August 16, 2017

നല്ല പെൺകുട്ടികൾ

ഇന്നലെ മുറിച്ച മുടിച്ചുരുളുകൾ
കറുത്ത 'നീ പകലുകൾ' പോലെ...
ഓരോന്നോരോന്നായി ശ്വസിച്ച്
അപ്പൂപ്പന്താടികൾക്കിടയിലൂടെ
പള്ളിമണികളുടെ കോറസുകൾക്കിടയിൽ നിന്ന്
പറത്തി വിടുകയാണ്.
നല്ല പെൺകുട്ടികൾ അങ്ങനെയാണ്.
മുടിച്ചുരുളുകളിൽ ഓർമ്മകൾ നിറച്ച്
മടുക്കെ മടുക്കെ
പറത്തിവിടുന്നവർ.
കാണെക്കാണെ
കറുത്ത പുകച്ചുരുളുകളാകുന്നവർ.
ഏപ്രിൽ പൂവുകൾ കൊഴിയുകയും
മുടിച്ചുരുളുകൾ കത്തിയമരുകയും
കഴിഞ്ഞ പകലുകൾ
പച്ചകുത്തലാവുകയും ചെയ്യുന്നിടത്ത്
നല്ല പെൺകുട്ടികൾ ശ്വസിച്ചു തുടങ്ങുന്നു.
പെൺകുട്ടികൾ അല്ലാതാവുന്നു.

No comments:

Post a Comment