Monday, February 17, 2014

എങ്കിലും ഞാൻ നിന്നെ പ്രണയിക്കുന്നു


നിനക്കിനി മടങ്ങാം.
നിന്റെ അരക്കിറുക്കൻ സുഹൃത്തില്ലേ,
ആ ചിത്രകാരൻ.
അവന്റെ പാതിമുറിഞ്ഞ ഇടം ചെവിയുടെ
രഹസ്യങ്ങളന്വേഷിക്കാൻ
നിനക്കിനി മടങ്ങാം.

റാഷേലിനു പകുത്തു നൽകിയ
ഇടം ചെവിയിലെ രക്തക്കറകൾ
മഞ്ഞയായിരുന്നില്ലെന്നു
ഇനിയെങ്കിലും
നീയവന് പറഞ്ഞു കൊടുക്കൂ..
ഖനി പുരണ്ട ജീവിതങ്ങൾ
മഞ്ഞയായിരുന്നില്ലെന്നു
നീയും അറിയ്.
പ്രഷ്യൻ ബ്ലൂവിൽ അലിഞ്ഞില്ലാതായ
നിറങ്ങൾ പോലെ,
ഇനിയവൻ
മഞ്ഞയിൽ ചുവപ്പിനെ
മയക്കിക്കിടത്തിയിരുന്നോ???
ആവോ.....
അവനു ഭ്രാന്താണ്.
സൂര്യതാപമേറ്റു ചുവന്നതറിയാതെ,
സൂര്യനെ മഞ്ഞയിൽ മുക്കിയ ഭ്രാന്ത്.

അവനോടു പറയൂ
അവൻ മറന്നു വച്ച ചുവപ്പിനെ
കളഞ്ഞുകിട്ടിയതെനിക്കാണെന്നു.
കൂടെ
സൂര്യകാന്തിതോട്ടത്തി-
ലിട്ടെറിഞ്ഞ മഞ്ഞയും.
എന്റെ അസ്തമയങ്ങളിൽ
അവ ഒന്നിക്കട്ടെ.
 പിരിച്ചെഴുതാൻ
നീയും വരേണ്ടതില്ല..

# എങ്കിലും വാൻഗോഗ്
നിന്നെ ഞാൻ പ്രണയിക്കുന്നു.
നിന്റെ മഞ്ഞയേയും..

4 comments:

  1. ഒരിക്കല്‍കൂടി വാൻഗോഗിൻറെ ഓർമ്മകളിലേക്ക് കൂട്ടിക്കൊണ്ടു പോയതിന് നന്ദി.

    ReplyDelete
  2. "അവനു ഭ്രാന്താണ്.
    സൂര്യതാപമേറ്റു ചുവന്നതറിയാതെ,
    സൂര്യനെ മഞ്ഞയിൽ മുക്കിയ ഭ്രാന്ത്.

    അവനോടു പറയൂ
    അവൻ മറന്നു വച്ച ചുവപ്പിനെ
    കളഞ്ഞുകിട്ടിയതെനിക്കാണെന്നു."

    ഓഹോ വീണ്ടും ചുവപ്പിന്റെ സൈഡ് പിടിക്കാന്‍ ഇറങ്ങിയിരിക്കുവാ??

    "എങ്കിലും വാൻഗോഗ്
    നിന്നെ ഞാൻ പ്രണയിക്കുന്നു.
    നിന്റെ മഞ്ഞയേയും.."
    ഇത് അവസാനം ചേര്‍ത്തത് നന്നായി.
    അല്ലെങ്കില്‍ ചോരപ്പുഴ ഒഴുകിയേനേ. ചോരപ്പുഴ. :D

    കിടിലോല്‍ക്കിടിലം!!! :D

    ReplyDelete
  3. എങ്കിലും അവന്‍റെ താടി ചുവപ്പായിരുന്നു... അവനെ ഫുറൂ(ചുവന്ന താടിക്കാരൻ ) എന്ന് വിളിച്ചതും അവളായിരുന്നു..

    ReplyDelete